Tomiño, 8 de Maio 2015.- O BNG de Tomiño incia o arranque de campaña apoiado polos seus militantes e simpatizantes que esta noite se reunirán para o tradicional comezo de campaña coa pegada de cartaces. Ao longo dos vindeiros 14 días, a candidata a Alcaldía de Tomiño, Sandra González, e a súa equipa percorrerán as 15 parroquias do municipio cunha veintena de mitins.

O calendario de mitins comeza na noite de hoxe, venres 8 de maio, ás 21h30 no centro social de Vilameán onde Ismael Claro “Triky” candidato pola parroquia, Uxío Benítez, número 2 da lista, e Sandra González, candidata a Alcaldía presentarán aos veciños e veciñas os seus obxectivos para os vindeiros 4 anos.

Baixo o epígrafe “os 15 retos para o futuro de Tomiño”, o BNG de Tomiño aposta pola educación, polo sector primario, polo comercio local, por unha estratexia común entre Tomiño e Vila Nova de Cerveira e pola creación dunha biblioteca, entre outras cousas.

Sandra González, candidata a Alcaldía de Tomiño destaca deste inicio de campaña “a ilusión do equipo que me acompaña nesta andaina coa que queremos contaxiar a ilusión por un proxecto de futuro co que xa comezamos a camiñar hai 8 anos. Un proxecto no que Tomiño sexa un lugar para as persoas con servizos e calidade de vida”.

O calendario de mitins continuará o sábado ás 21h30 no centro social de Currás, e o domingo ás 12h30 en Pinzás, ás 17h00 en Vilachán do Monte e ás 21h00 en Hospital.

Tomiño, a 1 de maio do 2015.- O BNG de Tomiño celebrou na noite de onte a súa habitual cea de campaña no restaurante Las Colinas de Tebra. Case 400 persoas ateigaron o local onde non cabía un fío nunha noite na que a candidata Sandra González volveu a agracecer a todos e todas as persoas que día a día loitan por “un Concello para as persoas.”

O evento estivo pragado de momentos emocionantes no que vellos e novos simpatizantes do BNG puideron confraternizar e iniciar un arranque de campaña coas pilas ben postas.

Las Colinas de Tebra, restaurante no que se celebrou o encontro contou ademáis coa presencia do Secretario de Organización do BNG, Bieito Lobeira, que non quixo perderse o evento. Lobeira declarou “sentir envenxa dos tomiñeses e tomiñesas por contar con unha equipa tan fabulosa”.

Sandra González, candidata polo BNG de Tomiño e actual alcaldesa do mesmo municipio, reafirmouse “no traballo destes anos ao frente dun equipo unido que axudou a mellorar Tomiño.” González, quixo lembrar o traballo que os concelleiros e concelleiras do BNG fixeron hai anos dende a oposición e que sementaron Tomiño de ilusións”.

Sandra González tamén sentenciou que ao BNG de Tomiño non se deixa comprar como fan outros partidos e que tampouco entra en xogos sucios de mentiras e falsedades difamatorias.

A actual Alcaldesa de Tomiño rematou a súa intervención reafirmandose na seu proxecto de crear “un Tomiño con servizos de benestar, un Tomiño con saneamento, un Concello con cultura, un Concello para todos e todas por igual ”